زجــــــــــــــــل : أيــــــامنــــــا كورونــــــــــــــــا Corona

 

فحال قلنا … فحال ما قلناش ،

المكان كورونا Corona … الزمان Corona

كلشي كورونا Corona فالبلاد ،

كورونا لبسنا فحال النعاس /// ولينا كمشا فقاع الطاس ،

ولينا كسدا بلا راس /// كلشي كيقول الله إحد الباس ،

المصايب كاع تجمعات /// الشوارع خوات ،

الوجوه دبلات /// البسمة تيتمات ،

كورونا زرع الخوف /// عقل بنادم إصبح مخطوف ،

إعيادنا بقات غير حروف /// ما يباركها غير المكفوف ،

كورونا فيروس بلا لجام /// باغي يطير للقدام ،

بنادم مدفون حي ما عود قام /// ما هو واكل ما هو صام ،

كورونا بركان يسيل /// فداخلو نار تطفي كل جميل ،

حياتنا صار ضوها عليل /// الحديث عنها هادي و قليل ،

كورونا ما زال كيتسارة /// باغي وصل رسالة ،

أحض فمك بالكمامة /// سدو قبل الندامة ،

كورونا كيفتش وسط الظلمة /// إذا ما صاب ما يصيد بقى بكمة ،

كيصيد بنادم لداير اللمة /// إوا لاش الزحمة !؟ ،

كورونا خلا بنادم إحير /// كان كبير و لا صغير ،

يحزن يجدب و لا آش إدير ؟ /// واش يبقى في الدار هو أحسن تدبير!؟ ،

عبد الإله شفيشو

السجن المحلي شفشاون 18/06/2020


شارك بتعليقك

شاهد أيضا
اشتراك في القائمة البريدية
   

إشترك بالقائمة البريدية لكواليس اليوم لتتوصل بكل الجديد عبر البريد الإلكتروني