السعيد بنلباه
بثت قناة تحفة تسجيلات صوتية قالت إنها لحوار بين والدة إلياس المالكي ومسؤول نقابي من الدار البيضاء طالبها بمبلغ 80 مليون سنتيم مقابل التنازل عن 112 شكاية تقدمت بها نقابته لدى وكيل الملك ضد ابنها.
ودار الحديث بين النقابي ووالدة الياس المالكي على النحو التالي :
النقابي : راه حنا تنتسناوك فالبيرو، ومبغيناش نمشيو للمحكمة ونديرو جقلة تماك
ام الياس : يا استاذ انا مزاوكة فالتراب ديال رجليك ، راه تمانين بزاف عليا ، غا تكادو معيا رانا فالبلاصا نجي عندك
النقابي : وغير اجي بعدا ما يكون غير خاطرك ، ما تخرجي من الدار البيضاء ، غير وانت بخاطرك .
ام الياس : راه جاتني قاصحة تمانين، جاتني قاصدة بزاف .
النقابي : الحاجة ، غير اجي يلابقات ليك شي حاجة حنا راه نصاوبوا ليك الملف … حنا نعطيوك التزام ..
والدة الياس : قاصدح عليا تمانين
النقابي : للا واش غادي دجي دابا ولا نكملوا شغالنا
والدة الياس : لاراه بغيت غا تيدوز ولدي ( جلسة في المحكمة ) ونجي دابا
النقابي : ودابا حتى حنا غادي نجيو ، يلا كان ولدك غادي يدوز حتى حنا نجيو نحيحوا تماك
والدة الياس : علاش غادي تحيحو
النقابي : وغير فهمي راه حتى حنا عدنا 12 ملف تما و 100 دفعناهم نهار الاثنين لوكيل الملك
والدة الياس : غير تصاوب معايا ونجي دابا
النقابي : وغير اجي انت راك باينا امرأة معقولة ، اجي ونعطيك التنازلات وتمشي بخاطرك ، وقولي المحامين ديالك يوخروا الملف حتى نجيب ليك انا التنازلات وحتى التنازل ديال الملف ديال اليوم .
والدة الياس : وشحال غادي نجيب معايا انا مزاوكة فيك
النقابي : الحاجة جيبي هادك شي اللي عندك ويلا بقات شي حاجة نوتقوها بينا وبينك
والدة الياس : واخا انتما غادي تعطيوني التنازلات ، ويلا عاوتني ناضو ليا شي وحدين آخرين
النقابي : ها اوا قلتيك ديري النية وراه النقابة ديالنا هي اللي نايضة فهاد الملف ، راه من الرئاسة ديالنا غادي نعطيوك التزام باللي حتى شي حاجة ماتكون مستقبلا وتحت الضمانة ديالي والضمانة ديال الله عز وجل ، شوفي ،غادي تجي عندي البيرو ،وغادي تعرفي معامن تتهدري ، حنا متنلعبوش .
والدة الياس : صافي
النقابي : اشنو
والدة الياس : صافي انا غادي نجي
ويبدو أنها توجهت مباشرة حيث وضعت شكاية في الموضوع ..
