طنجة عروسة الجمال
لبسى حرير وهي تاج فوق الجنان
مدينة الضيافة والظرافة
ياقرة العيان
فيك تحلى الجلسة مع الحباب والخلان
وبالشوفة تعثر على اللؤلؤ والمرجان
طنجة عروسة الدلال
أنت شمس تضوي كل المدن
لما تغرب يتساءلوا فينك يا ضي التيجان
من هواك الساكن عمري
نستنشق ريحة الريحان
طنجة عروسة الوصال
أنت حبق الروح عليك يطيح السر
ونسمة المزهر منك تفوح
تداوي الجروح
وتقول للقلب دق على هواها مزيان
قطعوا البحور باش يشفوك
أنت اللي مرسومة فباب الكون عنوان
طنجة عروسة الكمال.
فتيحة العلوي
