السلام عليك أخي الأدمين، أرجو أن تنشر هذه الرسالة
أنا شاب عمري 34 سنة.. تزوجت هادي ست سنوات، ومن أول سنة وأنا في المعارك مع هاد المرأة.. كنت كنقول مع نفسي أنها أشياء عادية بين أي رجل ومراتو، ولكن المشكلة أنني اكتشفت أنها مزال كتحب واحد الشاب كانت عندها معاه علاقة قبل ما نتعرف عليها…
هادشي قالتو ليا واحد بنت الحومة ديالي…
أنا مهلي مزيان في مراتي ومامخليهاش محرومة من أي حاجة، ولكن هادشي اللي قالت ليا بنت الحومة بدا كيدير ليا القلق، وبديت كنشك بزاف فهاد المرأة..
واش ممكن يكون الحب الأول ديال زوجتي هو السبب فهاد المشاكل العائلية؟ ولا شي حاجة أخرى..
وثانيا، واش بنت حومتي اللي ما بيني وبينها غير الخير والاحسان، تقدر تكون قالت ليا الحقيقة، ولا شنو بالضبط؟؟؟
لا تبخلوا علي بنصائحكم وإرشاداتكم
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
لمن لديه مشكلة لا يتردد في إرسالها إلى موقعنا
