فحال قلنا … فحال ما قلناش ،
المكان كورونا Corona … الزمان Corona
كلشي كورونا Corona فالبلاد ،
…
كورونا لبسنا فحال النعاس /// ولينا كمشا فقاع الطاس ،
ولينا كسدا بلا راس /// كلشي كيقول الله إحد الباس ،
…
المصايب كاع تجمعات /// الشوارع خوات ،
الوجوه دبلات /// البسمة تيتمات ،
…
كورونا زرع الخوف /// عقل بنادم إصبح مخطوف ،
إعيادنا بقات غير حروف /// ما يباركها غير المكفوف ،
…
كورونا فيروس بلا لجام /// باغي يطير للقدام ،
بنادم مدفون حي ما عود قام /// ما هو واكل ما هو صام ،
…
كورونا بركان يسيل /// فداخلو نار تطفي كل جميل ،
حياتنا صار ضوها عليل /// الحديث عنها هادي و قليل ،
…
كورونا ما زال كيتسارة /// باغي وصل رسالة ،
أحض فمك بالكمامة /// سدو قبل الندامة ،
…
كورونا كيفتش وسط الظلمة /// إذا ما صاب ما يصيد بقى بكمة ،
كيصيد بنادم لداير اللمة /// إوا لاش الزحمة !؟ ،
…
كورونا خلا بنادم إحير /// كان كبير و لا صغير ،
يحزن يجدب و لا آش إدير ؟ /// واش يبقى في الدار هو أحسن تدبير!؟ ،
عبد الإله شفيشو
السجن المحلي شفشاون 18/06/2020
