فقت معنكش صباح الجمعة. لقيت المرا غضبانة ودايرة إضراب حيث مجبتش ليها كادو عيد الحب. خرجت من الدار بلا فطور وحتى الطاكسي اللي ترجيت باراكتو رش عليا مْرْجة بسلامتو. آش هاد النحس؟ واش فوندرودي نوار هذا أو آش كاين؟
دخلت نفطر فقهوة حدا الشركة. طلبتْ أتاي وكرواسة وجبدت ماركيز باش نْقادّ المجاج. قلت ما فيها باس نشوف آخر أخبار دنيا الباطمة، وكيفاش تقتل راجل ريم فكري، و آش غادي يدير وليد الركراكي باش نربحو بطولة المريخ، ونشمشم حتى واش كاين شي زيادة فالأجور أو على الاقل انخفاض فالأسعار … المهم بغيت نسى المزغوبة ديال مرتي والتمركيل ديالها.
مع أول جغمة ديال أتاي وهو يطلع ليا المزغوب ديال زيان. قالك أسيدي كاعي وغضبان وداير إضراب على الماكلة. قلت مع راسي ياك ما حتى هو تخرشش بحال مرتي وحالف يطيح ليا المورال ويندمني حيث هربات عليه وهيبة وطاحت ليه الهيبة؟ بقيت كنضرب أسداس في أخماس حتى لقيت رباعة حويجب ودمية ومول الجيب والمرا… بيط ومواقع التعاسة اليومية كيقولو بأن زيان العريان حالف بحلوفو ما يرجع ياكل حتى يرجع ذهب طاطا. قلت هاد المفروح مبغاش يدير عقلو وحالف حتى يدير سيتكوم حامض قبل مايدخل رمضان.
ما جيت ندخل للشركة حتى عرفت بأن الشيباني ما بغا لا ذهب ولا زنك ولا بطاطا … السيد عاود خمّم وبدّل الرأي ديالو ورجع باغي يفتحو ليه بيبان الحبس باش يخرج كيف بغا ويدخل وقت ما رشق ليه. شوية وصاحبي يقول لي، نوض الله يجيبك على خير، راه السيد كيطلب غير يعطيوه تقيوتات وعصير الافوكا ويبخرو ليه فويلات وشي فشوش بحال هاكدا. مانكدبش عليكم، حسيت بالمخيخ ديالي غدي يسخف. دابا واش هذا باغي الذهب، ولا باغي يتسارا فالحبس ولا باغي شميشة تجي طيب ليه؟ ياك الحبس ماشي أوطيل وماشي تريتور رحال؟ ياك ما البنيقة رجعات فندق لوكس وا أنا مفخباريش؟ اش بغا عندي هاد المريكَل هاد النهار؟
دخلني الشك من كلام صاحبي وقلت مايمكنش نوصلو فالمغرب لهاد السخافة ولهاد التخربيق. رجعت نقلّبْ فالفيسبوك والمواقع ديال الانترنيت ياك ما شي حاجة ما راكباش. ولكن لقيت صاحبي عندو الحق وبأن الشيباني كيتسطى على الشعب وجيلالة ديالو تابعينو بنافخ وحالفين يطلعوه فالعمارية كوت كو كوت ويبرزطو الفضوليين بحالي.
المهم، قلت مع راسي حتى أنا بلا عقل. بغيت نسى تمكريه المرا وهو يخرج فيّا العربون فلْبْلا. بقيت متبّع زيان حتى سالات الروشارج وماركيز وبقيت أونبان. الله ياخد فيه الحق هاد النهار.
اليوم الاخ الكريم
دكرى خاصه
لكل من سخن له راسه وتعنتر واصبح غوريلا زمانه في هد.بلاد سعيده
منهم من ستغل سياسه او شيشه مخدرات او تسير او كون جمعيات او تجاره او اداره او تعليم او صحه او ستغل ستداجت شعب وتاجر بالدين منهم علمانين يسارين شتراكين متطرفين وجمعات محضوره وشناقا ولوبيات مداريس ومصحات خاصه وسماسره اراضي وعقرات ومن ستغل تعليم ولاوا دراع دوله وجعل من تلاميد وطلبه دروع لقضاء مصالحهم شخصية التي تجاوزجت متطلبات
عطل وراحه بيولجيه و تعويضات زيادات في اجور حوافز بعد.تعنت نقبين وتنسيقيات نفخو فيهم كبرو ليهم خشاك (ب) كم قالو سيدنا لولين ومغرب خربقوه صحاب نفود.بلابلا بلا وصحابات عراء وروتني اليومي وام شنطه كم قال مصرين هاحنا عيشين باخبار هد قتل هدي تطالب بالمسوات ارث في توظيف واجره قلن مكين مشكل لقنههم يبرمجو ولاده داخل سنه دراسيه زد شواهد مرض ان غادي بنتي طبيب ماما مريضه ندبه شوافه ماما غاتمشي عمره رمضان سعبان ميلود هالي بغ يرسم لوغه هالي يحارب بلاد والقران وكل كيلعب لعبو في هد بلاد مكيعجبوني غير شي وحدين بحالي راضين بماقسم الله اجره تماره وتقاعد ومخلصين ضراىب دوله وحامدين الله وشكرونو والغريب انهم يلقنو لابنائهم حترام وحب الوطن رغم ان هد.طفل او تلميد بعبش فوارق جتماعيه لان اب ديالو مان بولسي او مهني او عامل او متقاعد او مكتري مادونيه دوله ضاغط عليه وضاغط عل تريكتو كله لي دار هاه او هاه تلف له تهمه تلاح في بنيقه غير فرق بين زيان وامتاله هو حظ شي كبرو ليه شان شي نزلوه شيشان