كواليس اليوم: زربي مراد
وجهت الممثلة المغربية، آمال صقر، رسالة للمغربيات المقبلات على الزواج، متحدثة عن شروط اختيار شريك الحياة وكيفية العيش والتعامل مع الزوج والأبناء.
آمال صقر وفي تدوينة على صفحتها الشخصية على “الفايسبوك”، وفي تعريفها لمفهوم الزواج الحقيقي كتبت تقول: “الزواج ماشي هو تلبسي كسوة بيضة و تحني يديك و تنوضي الموسم و الحيحة و تصاور و تبدلي سميتك لأميرة زوجي ، ولا زوجي قرة عيني ولا زعتر، الزواج هو تعيشي أنت وراجلك عشران ماشي مزوجين غي باش تولدو البجاغط و تربيوهوم و هو يمشي يخدم و انت تبقاي كاطيبي و هو يشوف فيك مجرد وسيلة لإفراغ المكبوتات فلحلال و انت تشوفي فيه مصباح علاء الدين السحري لي يقدر يحقق ليك أي حاجة”.
وتابعت الممثلة المغربية سردها لمواصفات ومعايير العريس الواجب البحث عنه قائلة: والى ماتزوجتيش شي واحد قاري و مثقف و مخوو عااامر و ضحووكي و احمق و مازال باغي يعيش حياتو معاك ، تحماقو بجوج ، تجلسو فالدار بحال الصحاب و لعشران ، تعاونو فكولشي ، تلعبو ، تضاربو بالما ، تلعبو بلاي ، تخرجو ديرو سبور ، تقراو شي كتاب و تجلسو تناقشوه ، تفرجو فيلم ، دخلو شي مرات للكوزينة بجوج ، طيبو بجوج ، تختارو الحياة لي تناسبكوم بعيدة بزاااف على العالم الخارجي حيت اتكونو عايشين فعالم خاص بيكوم ، ماتكونو تشبهو حتى لشي حد ، و ماتسوقو حتا لشي حد”.
وختمت صقر “فتواها” في موضوع الزواج ناصحة البنات بعدم الزواج إن لم يجدن هذا النوع من العرسان، مضيفة بقولها: “الا ما كنتوش غادي تعيشو هاذ الحياة، بلاما تزوجو خليكم هاكا أحسن خلي تران يفوتك أحسن ما تركبو وتمشيو لشي وجهة أنتوما ما غتحملوهاش وما باغينهاش”.
